( يَا أَيَّتُهَا النَّفْسُ الْمُطْمَئِنَّةُ)
افتح الشباك اوى
واااارب الباب حبتين
ااعد ما بين خوفك
ف لحظةسكونك
ما بين حطين
فى وشك صورة المرحوم
وبتعيط
وبتفكر فى ذكري سنين
مازال حلمك المرسوم
ف فنجانك ف قدر الله
فمتخفش يغيب حبه
فقادر ربنا يجيبه ف غمضة عين
لياليك اللى مش بتروح
ونهارك اللى مش بيجى
سكونك وخوفك ف ضلمة حيطانك
دموعك همومك ف ريحة مكانك
وناسى الحياه
ف ميت بروح وعايش بأااه
عشان بس تبكى وخايف لتحكى
فتنسى الحياه
اكسر همومك واقتل ظنونك
وافتح الشباك اوى يدخل نسيمك
امسح دموعك غير هدومك
دا كان عايش وف الحاضر
خلاص مرحوم
ف بالمنطق اكيد مات
فمش فارق دموع عينك
ف كل الحالات
ومش فارق سكون ذكرى
هموم بالساعات
ومش فارق رحيل نفسك عن الدنيا
مازال قلبك بيملك حجات
مازال عمرك فضله ساعات
حمامك بزووم وطالع ف رحلة
ما تطلع معاه
يدوب بس تنسى وتعشق هواه
فترجع بروحك لحب الحياه
_______________
حب الحياة!!!!!!!
على رمش الحياه نسمة هوا
صباحى
قطرة ندى على وردة بتناحى
دبلانه ف الشوك وقع
وورقها من الهوا سقع
وانا صوتى م الاحزان شبع
فليه هحكى مر الوجع
عن حقى اللى راح م الفجع
عن صوت النضال
والجهد اللى للاحزان ركع
والحلم اللى كان عشمان
طلع ببلاش
يدوبك عاش
يومين حلمه فمتهناش
ومتمناش يعيش تانى
صبح ف الرخص كان ببلاش
يدوبك عاش يومين حلمه فمتهناش
كسر قلبى والفرح راح ومجاش
والحزن جه وم راح
فصاحبك شاخ
وف العشرين بس من عمره
عجز وموته مباح
مدام ظلم الحياه عاش
يموت حلمى واموت عايش
اعيش ميت ف يوم هرتاح
______________
ايتها الذكريات المؤلمه
يا كل حاجه مضلمه
كل االضلوع مستسلمه
كل الدموع متالمه
كل الشوارع عكننه
اما بعد
( يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ
رَاضِيَةً مَرْضِيَّةً فَادْخُلِي فِي عِبَادِي وَادْخُلِي جَنَّتِي)
ياما نفسى اصوم عمرى
واموت مؤمن فروح الجنة
مطمن
واحقق هناك حلمى
ورسم م الحياه الكحلى
بياض ناصع
ما ربى الحق والشافع
وربى القادر السامع
وم الوقتى هكون خاشع
هفكر بس ف عبادته
وهركع يسبح قلبى ف عظمته
وتلمس راسى سجادته
تدمع عينى من طيبته
فبوس م القلب سجادته
واعيش ف رحابه طول عمرى
ف موتى رحمه من عنده
وايه تانى يكون ارحم
ليست هناك تعليقات:
إرسال تعليق