اخاف احكى تضيع منى
واخاف تبعد تجننى
وبصرخ بس من غير صوت
وقلبى بقول بحبك موت
يا متظلل برمش العين
يا ساكن جوه فى الننى
بعيد عنك اعيش اذاى
يا حلمى وكل عمرى الجاى
ومين غيرك يطمنى
وحلمى فى ليلى تنا دينا
ويسمع قلبى دقاتك
يرد عليك يقول جينا
وعيش وياك فى حكاياتك
وتعزف لحن كله هموم
وشمس سماها فيها غيوم
وقدرى معاك ودا المقسوم
نصيب مكتوب لخطوينا
ولو قربت تبعدنى
اغيب عنك تشاورلى
وترجع تانى توعدنى
ولما تحس روحى معاك
تدوس على جرحى وتزيدنى
انا دالوقتى بستناك
تغيب عنى بكل قساك
ولوقلبى رجعلك يوم
هعيش وهسيبه يشقى معاك
بقلمى /هشام عبدالجواد مشالى
ليست هناك تعليقات:
إرسال تعليق