وحياة ربنا عليا صعبانه
واقفه مابين كل الدول
حزينه عريانه
مين بس فكر يسترك
ولا يرجع فرحتك
اقرب ماليكى بيكسرك
وعايش بينهش جتتك
يابلدى يا عايشه ف العذاب
ونفسك تلاقى سكتك
مين بس حس بحرقتك
وبقهرتك
مين بس لملم دمعتك
كله بينهش جتتك
وعليا صعبانه
واقفه مابين كل الدول
حزينه وعريانه
من البرد جسمك إنبرا
والأخ بيموت ف أخوه
ولا يوم لخاطرك إشتري
وعدونا واقف بيضحك
ف الدري
واحنا بننهش بعضنا
من جهلنا من حبنا لنفسنا
يابلدى ايوه الكل جرحك
وكل بيفكر ف نفسه
ولا حد بيفكر لصالحك
وعليا صعبانه
تايهه مابين كل الدول
واقفه وعريانه
بقلمى صبرى قنديل
شاعر العرب
ليست هناك تعليقات:
إرسال تعليق