{{{ أغنية لأمي }}} بقلم الشاعر // جمال محمود

 ((((  أغنيه لأمي  ))))

********

مع طلة الفجريه في عنيكى..

بيصحي الزمن ...

وماية النيل بتستناكي ...

تملي القلل...

يا امايه يا جناح المحن...

مخلوقه بتحبي الشجن...

فلاحه وخده ع العمل...

والف حاجه وراكي..

وعمر قلبك ما بخل...

طعم المرار عندك عسل...

وفي اي ضيق فيه امل...

صبر الجمال وفوق ماتحتمل...

علشانك انت المستحيل...

عن عرشه نزل...

.....وياااا إحتمالك...

..علي صبر حالك.....

وع الليالي واللي جرالك...

ولا شئ يهمك...

غير عيالك...

كل الابار نبع لسانك...

وياااااا خيالك...

حلوه في جمالك...

وست ستات الممالك...

قلبي وروحي تعشقك..

وعيون سلمي...

نفس جمالك...

ياعزيزه فاكرك...

ضحكك وحالك...

ياست هانم...

صبرك عليا...

طولتك في بالك...

فاكر حنانك ...

لحظة أمانك...

وحضن دافي..

ضميني ..ضمي..

ضيعي حزني..

وشيلي همي..

وانا مش لاقيكي...

لحظة مشيتي..

ضحكت عنيكي...

ودعيتي..دعوه...

ولسه فاكر لمسة ايديكي...

وطبطبه ..وهمسه وداني..

راضيه عليا...

مليون مره راضي عليكي...

وابوس ايدكي...

ودعاء لربي يرضي عليكي...

والجنه راحه وجزاءها ليكى...

**********

بقلمي ** جمال محمود

الي روح لا تفارق

كل عام وكل الامهات بالف خير

ورحمة واسعه عليهم في جنان الخلد