{{{ فراق الحبايب }}} بقلم // صبري قنديل

فراق الحبايب

***********

أذان الظهر

كانت قاعده وبتصلى

في وسط البيت

قولتلها يا أمى إدعيلى

قالت من قلبى يابنى بدعيلك

قولتلها ياأمى هتمشى

وهروح عالغيط

قالتلى بس ماتغبشى

مش هنام ألا م أتعشا

معاك واطمن إنك جيت

مشيت وسبتها قاعده

ومفيش ساعه ياناس فاتت

لقيت مرسال وبيقولى

أوم ارجع وروح البيت

رجعت لقيت جارنا

وأهل حتتنا وناس ولمة

دخلت البيت وأنا بسأل

فى إيه ياما

قالولى أمك خلاص ماتت

ف عز الحر لقيت الرعشه

مسكانى 

ومن حزنى إترميت ع الارض

ولقيت نفسى بصوت عالى

ياناس دى سايبها بتصلى

دخلت أطل أنا عليها أخر طلة

وأخدها ف حضنى وأبوس إيدها

لأخر مره

وقولتلها خلاص ياما

سنينى الحلوه

خلاص رحلت مع رحيلك

وسنينى الجاية دى مره

ومين ياما هيدعيلى

وسال الدمع من عينى

ومش هتكفى مناديلى

خلاص ياما يانور فارق أناديلى

*************

بقلمى ** صبرى قنديل