{{{ أمــــــي }}}
***************
كتبت كتير عن الأيام
وتاه قلمي مع ألمه
وتوهت مابين عتاب وملام
وشكوة قلبي مين ظلمه
وكل كلامي كان أوهام
وتوهت في كون كئيب ضلمة
وبعد التوهه أعود ليها
في عز البرد ألاقيها
بلهفة طيبة في عينيها
تداوي جرح 100 مهموم
تدفي الروح وتحضنها
تكفي سنين بمضمونها
وتشفي جراحي وتصونها
وأنا ملهوف علي الدنيا
وناسي إنها فانية
ولا حنيت لها ثانية
يارب إهديني حنية
دا أنا والله بعشقها
وبعشق فيها
نظرة عليا تسرقها
وبعشق لما ألاعبها
أناغشها وأزهقها
وعشق الروح بقي لما
كسوفها نيل يغرقها
بشوف الدنيا وجمالها في أخلاقها
يارب الكون
بخير وبصحة ترزقها
*********
بقلم ** محمد أبو الحسن
ليست هناك تعليقات:
إرسال تعليق