(( خلي اللي عارفك يجهلك ))
**********************
عن أحباب ليك من زمان
ما حسوا بيك في وقعتك
ولا عن همومك يسألوا
وغريب عليك كله حنان
بالطيبة يمسح دمعتك
حزنك تعيش وتكمله
ساكن طريقك سكتك
آخر طريقك من زمان
مكتوب نهايته فـ أوله
اللي عارفهم من يومين
بيعيشوا جواك بالسنين
وف ذكرياتك يفضلوا
واللي معاك متربيين
يمكن تكون عشرة سنين
في ثانيتين يتحولوا
خلي اللي عارفك يجهلك
واللي تعاشره إتحمله
الدنيا فيها محطتين
في قلوب بتركب في الطريق
جدعان ومن غير أي ضيق
يتبهدلوا ويتحملوا
وقلوب معاك طول الطريق
وف لحظة لو يشوفوك غريق
بيبقي محال ليك يوصلوا !!!
فـ خللي اللي عارفك يجهلك
ليست هناك تعليقات:
إرسال تعليق